【龍虎山众】山野遊樂場 - 馬惠娥

 
 
生活頻道 人文故事 寫作人分享 龍虎山環境教育中心
2019-12-12 (Thu), 16:21

馬惠娥Ella以前住太古城,後來搬到半山干德道,一住便住了15年。多年來她花了很多心機以前要返工又要照顧家人,現在三個子女已長大成人,她亦已退休,可以投入義務工作,便加入了龍虎山大使的大家庭。

Ella:當初行山係因為我唔想小朋友留喺室內打機,想盡量安排佢哋多做戶外活動。以前住太古城會帶佢哋去鰂魚涌公園玩,搬咗去半山之後就上龍虎山。一個做得好嘅市區公園會俾到一個安全嘅環境BB玩,媽咪會放心啲;龍虎山就提供到真正嘅大自然環境,成個感覺都好唔同。

同小朋友行山,除咗要幫佢地執頭執尾之外,當仔女行到攰扭計嘅時候,我都要鼓勵佢哋堅持嫁(笑)。所以其實冇乜空間留意其他嘢,行咗十幾年其實都唔知原來呢度有個中心!2017年個女入咗港大做,介紹我參加蚊膏工作坊,先第一次踏足中心。

第一次上嚟,見到wow,咁有殖民地色彩嘅建築,又有花園、水池,先發現原來屋企附近有個咁靚嘅地方。做咗大使之後再慢慢認識多咗,原來薄扶林道有魯班先師廟、半山有個界石等等......當初由市區搬到半山,其實都會覺得偏僻,好唔習慣,但依家認識多咗,對呢個地方慢慢又多咗歸屬感。

Ella私心推介:龍虎小澗瀑布

更多文章:lungfushan.hku.hk

相關文章