守護水口，你我有責

喺香港呢個節奏急速嘅石屎森林，水口灣卻保她的原始，猶如一個擁有極高生態價值嘅世外桃源。今時今日，原始就是矜貴，可惜愈來愈多人不懂珍惜她的美。

最自然的生態面貌
水口灣棲息住各式各樣生物：沙白、灘棲螺、紅樹林、麻鷹、環頸鴴、馬蹄蟹、和尚蟹同水牛⋯⋯無論係動物定植物，都能夠喺呢度搵到佢地嘅安身之所。豐富嘅生物多樣性亦吸引不少遊人，WWF因此特別設計咗一張好靚嘅水口灣圖鑑，等大家睇住嚟行，慢慢學習。

夠啦！唔好再破壞泥灘生物嘅家園
水口灣為人們提供另類休閒體驗，但不少人卻不懂珍惜，他們毫無節制地掘蜆，嚴重破壞泥灘生物嘅家園。近年沙白等能夠過濾海水嘅蜆類被人大量掘走，同時破壞了沙泥層嘅結構。大家進行休閒活動時，唔好咁自私，請多考慮一下「原居民」─ 即係上述泥灘生物嘅感受！打造一個與自然並存嘅世界，先係一個文明兼負責任嘅香港人！

加深瞭解水口
由水口村步行大概十分鐘，就可以到達呢片廣闊嘅泥灘。下載呢份水口步行地圖，入面介紹咗好多水口灣嘅物種同地標，邊行邊睇，就可以瞭解更多水口灣嘅生態同歷史文化！大家亦可以前往泥灘附近嘅士多，租借符合掘蜆守則嘅工具進行休閒活動。瞭解更多水口灣，一齊保護屬於香港人嘅世外桃源，珍惜呢份矜貴嘅原始。

想瞭解更多關於保護水口灣嘅資訊？快啲click入網站瞭解！