【生態探知秘笈】扮嘢王

在弱肉強食的世界，為了生存，大家都施展渾身解數。世界盃尼馬「插水」，全世界都話佢教壞細路，但對許多昆蟲來講，「扮嘢」卻是必修科，生死攸關，所用神技亦是另一檔次。唔單止扮得似，還各適其適，且看牠們有咩花款~

高質山寨型（貝氏擬態）

招式：沒有毒性或攻擊性，但身上有其他有毒品種的斑紋，可以扮到有毒咁款，令天敵錯認為有毒而逃過法眼！
弱點：如果出現太多「山寨貨」，會令天敵發現大部分都無毒，招式就會報廢，甚至連累埋真正有毒的「正貨」（哭）。
例子：幻紫斑蛺蝶扮幻紫斑蝶／伊貝鹿蛾模仿黃蜂

Win Win型（穆氏擬態）

招式：一樣模仿顏色圖案，不過今次是真材實料的有毒物種互相模仿對方的鮮豔警戒色。有料，點解仲要扮人哋呢？原來係利用緊捕獵者的學習能力，食過另一有毒品種，就不會對類似花紋的獵物出手，將無謂犧牲減到最少！
例子：毒蝶屬員都同蜓斑蝶族互相模仿

讕勁型（貝氏擬態）

招式：扮一些難捉的、難食的品種，令捕食者誤以為捉牠們需要花好大力氣、或不值得捕捉而成功逃脫！
例子：葉蚤受驚時會反應快地由樹葉掉落，逃脫率高，一些步行蟲就裝扮成葉蚤來獲得保護／東南亞某些蝴蝶會擬態飛行速度很快的青帶鳳蝶／蟻蛛會以前腳模仿螞蟻的觸角而混進螞蟻群，避開捕獵者的注意

在這個昆蟲群起出沒的季節，不妨多觀察......你見到的眼是否真眼? 鮮豔顏色是否真的代表有毒? 歡迎來到騙徒橫行的大自然。

#人都識啦 #紙老虎 #山寨 #狐假虎威 #咁多term可以形容 #一睇就知扮嘢係人嘅天性
#其實係求生本能 #為咗生存係咁架啦 #做隻冒牌貨都要活下去 #俾你 #你會做邊款
#其實全部所謂嘅模仿 #都係經過天擇 #適者生存 #符碌 #終於明點解話#運氣都係實力嘅一種
#Dramaqueen #mimicry #imitating #nature #butterfly