【永續生活】零包裝 | 其實舊香港一早做緊

大家有無統計過，去一趟超市購物買來幾多包裝垃圾？水果膠兜、飲品紙盒、零食複合鋁袋、洗頭水膠樽……樣樣是包裝。不過隨著愈多愈多人提倡Zero Waste (零廢棄，真係得架)，歐美、加拿大及台灣等地開始出現無包裝商店，鼓勵消費者自備容器購物。

不過大家不用羨慕，因為全港第一間無包裝商店Live Zero已經在龍虎山腳，即西營盤開店了～ 店內售賣的食物如米、油、鹽、香料、堅果、茶、咖啡等，甚至護膚品、洗頭水，全部都無預先包裝，等你自己帶容器去買，需要幾多買幾多，買1蚊分量都得，不會迫你過度消費，非常之環保。

livezero就連洗頭水、沐浴露都有賣，另外也有公眾捐贈的瓶罐 （圖：HK01）

但聽落係咪有點熟口熟面？大家有無印象細個 (年齡暴露注意﹗) 去米舖、雜貨舖，都是老闆秤，自己帶個樽 / 兜去買？又或者去士多買汽水，人人都係企喺門口飲完放返低個樽先走，又是幾時開始要拎個罐去丟呢？下次自備購物盒買嘢，支持減廢之餘，順道緬懷往昔雜貨店光景！

❮全港首間無包裝商店❯ 
❮英倫：零廢棄超市❯
❮台灣：無包裝商店正夯❯